مسئولان محلی ولایت کندز می‌گویند، از آغاز کار کمیسیون جلوگیری از غصب زمین‌های دولتی در کندز توانسته‌اند که ۶۰ هزار جریب زمین دولتی را از نزد غاصبین پس بگیرند.
به گفتۀ آنان، بیشتر این زمین‌ها در مرکز این ولایت موقیعت دارد که از سوی مقام‌های حکومت پیشین و زورمندان غصب شده بود.
در همین حال، باشنده‌گان کندز بازگرداندن زمین‌های غصبی از نزد غاصبین را یک اقدام درست دانسته و از حکومت می‌خواهند تا با غاصبین زمین برخورد جدی کند.
شماری دیگری از شهروندان کندز نیز از این اقدام حکومت ابراز قدردانی می‌کنند و بر جلوگیری از غصب زمین‌های دولتی تأکید دارند.
بر بنیاد آمار نهادهای حکومت پیشین، نزدیک به یک اعشاریه شش میلیون جریب زمین از سوی مردم عام، زورمندان و شماری از مقام‌های حکومت پیشین غصب شده‌است.
