د اسلامي نظام د استحکام او لا پرمختګ لپاره له ديني علماوو څخه مشوره اخيستل شرعي امر دی، بناءً د اروزګان ولایت د چارو د ښه سمون په هدف د عالیقدر امیرالمؤمنین شیخ الحدیث مولوي هبة الله آخندزاده حفظه الله د فرمان پر اساس لاندې علماء کرام او متنفذین د یاد ولایت د علماوو شوری د مسئولینو او اعضاوو په توګه وټاکل شول.
محترم شیخ صاحب مولوي عبدالغفار د علماوو شوری د رئیس په توګه، محترم مولوي صاحب حامد آخندزاده د شوری د مرستیال په توګه، محترم مولوي صاحب لعل محمد د شوری د غړي او د اداري او مالي چارو د مسئول په توګه، محترم مولوي صاحب عبد العزیز، محترم مولوي صاحب محمد انور، محترم مولوي صاحب سیف الدین، محترم شیخ صاحب محمد نادر، محترم مولوي صاحب ولي الحق، محترم مولوي صاحب غلام جان، محترم مولوي سعد الله، محترم مولوي صاحب میراجان، محترم مولوي صاحب حبیب الله، محترم شیخ صاحب عصمت الله، محترم مولوي صاحب محب الله، محترم مولوي صاحب بهاء الدین، محترم حاجي صاحب امیر آخندزاده، محترم حاجي صاحب محمد انور، محترم حاجي صاحب خیر محمد، محترم شاه محمود او محترم عبد الرزاق د یادې شوری د اعضاوو په توګه و ټاکل شول. د همدرې فرمان له مخې د اروزګان ولایت علماوو شوری مسئولین او اعضاء مکلفیت لري چي د خپلې لائحې سره سم د همدې ولایت د چارو د لا ښه تنظیم په موخه او د محول شویو موضوعاتو په هکله د ولایت اړوندو مسئولینو ته د شریعت په رڼا کي مشورې ورکړي. دغه راز د ولایت مسئولین هم مکلف دي، چي د علماوو شوری پر مشورو باندې د دوی د لائحې مطابق عمل وکړي او د لائحې په اجراء کي هم پوره کوښښ وکړي.
