د افغانستان اسلامي امارت د ریاست الوزرا اداري مرستیال محترم مولوي عبدالسلام حنفي د افغانستان طبي شورا عمومي رئيس محترم ډاکتر ګل محمد عثمان او غړیو سره وکتل.
په دې کتنه کې د افغانستان طبي شورا عمومي رئيس محترم ډاکتر ګل محمد عثمان د افغانستان طبي شورا د کړنو او فعالیتونو او په هیواد کې د طب د معیاري کېدو په برخه کې د یادې شورا د شتون د ارزښت او د طبابت د ودې په موخه د راتلونکو برنامو په اړه خبرې وکړې.
د طبي شورا رئيس په نړیوالو معیارونو د طبي مسایلو برابرول، په ټول هیواد کې د طب محصلینو ته د واحد درسي تعلیمي نصاب برابرول، د روغتیا په برخه کې د ملي سمپوزم ایجاد او د اړوندو ادارو ترمنځ د همغږې راوړل له اساسي موضوعاتو څخه وبلل چې اسلامي امارت د مسوولینو ځانګړې پاملرنه غواړي.
د افغانستان اسلامي امارت د ریاست الوزرا اداري مرستیال محترم مولوي عبدالسلام حنفي د طبي شورا رئيس او غړیو سره په کتنه د خوښي څرګندولو ترڅنګ د څارنې، ارزونې او همدارنګه له اړوندو ادارو سره په همغږۍ په هیواد کې د طبابت د ودې لپاره د یادې شورا شتون مهم وباله.
د ریاست الوزرا اداري مرستیال طبابت د هیواد له اساسي مسایلو څخه وباله چې متاسفانه په تېرو کلونو کې یې د ودې لپاره پام وړ کار نه دی شوی، اما اسلامي امارت پورته یادو مسایلو ته جدي پاملرنه کړې.
محترم مولوي حنفي له طبي شورا وغوښتل چې له ټولو اړوندو ادارو سره په همغږۍ د معیاري کېدو او خلکو ته د معیاري خدماتو برابرولو لپاره زیاتې هڅې وکړي.
د افغانستان طبي شورا رئيس او غړیو سره د ریاست الوزرا اداري مرستیال کتنه
