د افغانستان اسلامي امارت د رياست الوزرا اداري مرستيال محترم مولوي عبدالسلام حنفي په مشرۍ د ۱۴۴۴ هـ ق کال د حج او عمرې ملي کمېټې غونډه ترسره شوه.
په دې غونډه کې، د حاجيانو د پيسو ټولولو او لېږد په اړه د خصوصي بانکونو استازو او د الوتنو په اړه د هوايي شرکتونو استازو سره هر اړخيزې خبرې وشوې.
همداراز د عامې روغتیا وزارت له لوري د ډاکترانو او کلينيکونو د شمېر ټاکلو او د بيت الله شريف حج په جريان کې حاجيانو ته د غوره خدمتونو وړاندې کولو په اړه بحث وشو او په دې اړه لازم تصميمونه ونيول شول.
