د ۱۴۴۴ هـ ق د حج او عمرې ملي کمېټې غونډه د افغانستان اسلامي امارت د رياست الوزرا اداري مرستيال محترم مولوي عبدالسلام حنفي په مشرۍ ترسره شوه.
په دې غونډه کې، د حاجيانو د پيسو ټولولو او لېږد په اړه د خصوصي بانکونو او ملي بانک استازو او د حاجيانو د لېږد او پروازونو په اړه د هوايي شرکتونو استازو، همداراز د پاسپورټونو برابرولو او د ارشاد، حج او اوقافو وزارت او د پاسپورټونو عمومي رياست او د ارشاد، حج او اوقافو وزارت د مرکز او رياستونو اړوند د حاجيانو مجتمع ګانو چارو ترمنځ د تفاهم او همغږۍ په اړه هر اړخيز بحثونه وشول او په دې اړه لازم تصميمونه ونيول شول.
