په کابل، بلخ او جوزجان ولایتونو کې د سوداګریزو مارکېټونو د جوړولو پر طرحو بحث وشو
2026-04-30
په کابل، بلخ او جوزجان ولایتونو کې د سوداګریزو مارکېټونو د جوړولو پر طرحو بحث وشو
د پانګونې بینالوزارتي کمېټې نوبتي غونډه د روان ۱۴۰۵ لمریز کال د ثور میاشتې په اتمه نېټه په مرمرینه ماڼۍ کې جوړه شوه.
دې غونډې ته د کابل ولایت په لومړۍ ناحیه کې د مالیې وزارت پر ځمکه، بلخ ولایت د مرکز مزار شریف ښار په څلورمه ناحیه کې د اطلاعاتو او کلتور وزارت پر ځمکه او د جوزجان ولایت په مرکز شبرغان ښار کې د ښاروالۍ پر ځمکه د سوداګریزو مارکېټونو د جوړولو طرحې د بحث لپاره وړاندې شوې.
له بحث وروسته یادې طرحې د مالي، اقتصادي او تخنیکي ارزونو لپاره اړوندو ادارو ته راجع او سپارښتنه ورته وشوه، چې خپل راپورونه په ټاکلو نېټو د پانګونې بینالوزارتي کمېټې ته وړاندې کړي.
شریک یی کړی
