د نشه يي توکو پر وړاندې د مبارزې معین الحاج لوی پاسوال ملا عبدالحق آخند همکار په مشرۍ يو لوړ پوړى پلاوى قطر هېواد ته په سفر روان شو!
2025-05-05
د کورنیو چارو وزارت د نشه یي توکو پر وړاندې د مبارزې معین الحاج لوی پاسوال ملا عبدالحق آخند همکار په مشرۍ پلاوی چې د دې معینیت ځینو ريس صاحبانو یې ملتیا کوله د قطر هېواد په رسمي بلنه پرون يکشنبه ماښام د غويي په څوارلسمه نېټه د پلازمینه کابل څخه یاد هېواد ته په سفر روان شول. ټاکل شوې، چې په دغه سفر کې به د نشه يي توکو پر وړاندې د مبارزې معين صاحب د قطر هېواد د کورنیو چارو وزارت د نشه یي توکو پر وړاندې د مبارزې د مسؤلینو سره لیدنه وکړي او دواړه خواوې به د نشه يي توکو د کنتړول په برخه کې د ګډو هڅو پر اساس د نظریاتو تبادول او د همکاريو په پراختيا باندې خبرې اترې وکړي.
شریک یی کړی
