د وزیرانو شورا نوولسمې غونډې د اقينې- اندخوی اوسپنې پټلۍ دوهم فاز په مسیر د ځمکو استملاک په اړه بحث وکړ
2026-05-19
خبر
۱۴۰۵ د غویي ۲۹
د وزیرانو شورا نوولسمې غونډې د اقينې- اندخوی اوسپنې پټلۍ دوهم فاز په مسیر د ځمکو استملاک په اړه بحث وکړ
د افغانستان اسلامي امارت د وزیرانو شورا نوولسمه غونډه د محترم رئیس الوزراء الحاج ملا محمدحسن اخند په مشرۍ پرون ترسره شوه.
یاده غونډه چې د قرانکریم په تلاوت پیل شوه؛ په کې د هېواد په مهمو اقتصادي، امنیتي، ټولنیزو او کلتوري مسائلو بحث او ځینې پرېکړې وشوې.
په غونډه کې د اقينې - اندخوی اوسپنې پټلۍ دوهم فاز د مسير په اوږدو کې د امارتي ځمکو د بيو او شخصي ځمکو د استملاک او همداراز هېواد ته د راستنو شویو مهاجرینو لپاره د ځمکو د توزیع پروسې په اړه هم بحث وشو.
د یادونې وړ ده چې د وزیرانو شورا یاده غونډه د يو شمېر نورو موضوعاتو په اړه له تفصيلي بحث او حل وروسته د خیر په دعا سره پای ته ورسېده.
شریک یی کړی
