پانګونې بین الوزارتي کمېټې کابل کې د تفریحي، ورزشي او سوداګریز کمپلکس د سوداګریزو مارکیټونو په طرحو بحث وکړ
2026-05-20
پانګونې بین الوزارتي کمېټې کابل کې د تفریحي، ورزشي او سوداګریز کمپلکس د سوداګریزو مارکیټونو په طرحو بحث وکړ
د پانګونې بینالوزارتي کمېټې نوبتي غونډه د روان ۱۴۰۵ لمریز کال د ثور میاشتې په ۲۹مه نېټه په مرمرینه ماڼۍ کې جوړه شوه.
دې غونډې ته د تخار ولایت په مرکز تالقان ښار او د سرپل ولایت په مرکز کې د ښاروالۍ پر ځمکو د سوداګریزو مارکیټونو د جوړولو د طرحو مالي موډل له عامه او خصوصي مشارکت څخه بدیل شرعي عقد ته د اړولو په تړاو د چارو ادارې له خوا وړاندې شوي راپورونه تایید شول. د پانګونې بین الوزارتي کمیټې دې غونډې ته همدا راز د کابل ښار په پنځمه ناحیه کې د دفاع وزارت په ځمکه د تفریحي، ورزشي او سوداګریز کمپلکس د جوړولو طرحه هم د بحث لپاره وړاندې شوه. په غونډه کې تر بحث وروسته دا طرحه دفاع وزارت ته راجع شوه چې د مالي، تخنیکي او اقتصادي اړخونو له ارزولو وروسته دې خپل راپور د پانګونې له بین الوزارتي کمیټې سره شریک کړي
