د حیرتان – مزارشریف اوسپنې پټلۍ پنځمه برخه بیاځلې فعاله شوه
2026-05-21
د حیرتان – مزارشریف اوسپنې پټلۍ پنځمه برخه بیاځلې فعاله شوه
د ریاستالوزراء اقتصادي مرستیال محترم ملا عبدالغني برادر اخوند نن پنجشنبه د روان ۱۴۰۵ لمریز کال د ثور میاشتې په ۳۱مه نېټه په بلخ ولایت کې د حیرتان – مزارشریف اوسپنې پټلۍ د پنځمې برخې د بیاځلې فعالېدو پرانیسته وکړه.
د ریاستالوزراء اقتصادي مرستیال په هېواد کې د اوسپنې پټلۍ شبکو د پراختیا په برخه کې د ټولګټو وزارت هڅې وستایلې او همداراز یې د ازبیکستان هېواد له همکاریو هم مننه وکړه. هغه زیاته کړه، د افغانستان او ازبیکستان ترمنځ اقتصادي او سوداګریزې اړیکې د پخوا په پرتله پياوړې شوې او د پراختیا لپاره یې د بلخ د محترم والي صیب په مشرۍ له اړوندو ادارو څخه ګډه کمېټه ټاکل شوې ده.
د حیرتان – مزارشریف اوسپنې پټلۍ پنځمه برخه ۷۰ کیلومتره اوږدوالی، ۳۰ کیلومتره فرعي کرښې، پنځه سټېشنونه او همدارنګه د ۵۰ واګونونو د تخلیې ظرفیت لري. د دې برخې په فعالېدو سره به د سوداګریزو توکو د حجم په زیاتوالي او انتقال کې د پام وړ سهولتونه رامنځته شي.
