د ا.ا.ا د ملي دفاع وزیر د قطر د وزیرانو شورا مرستیال او د دفاع وزیر سره وکتل
2025-09-17
د افغانستان اسلامي امارت د ملي دفاع وزیر محترم مولوي محمد یعقوب “مجاهد” قطر هیواد ته د خپل رسمي سفر په ترڅ کې د قطر د وزیرانو شورا مرستیال او د دولت د دفاع وزیر ښاغلي شیخ سعود بن عبدالرحمن بن حس آل ثاني سره وکتل.
په کتنه کې د دواړو لوریو تر منځ پر مشترکو موضوعاتو بحث وشو او د دوه اړخیزو اړیکو پر پیاوړتیا د ټینګار تر څنګ یې د سیمې او نړۍ پر وروستیو پېښو او تحولاتو هم خبرې وکړې. محترم مولوي محمد یعقوب “مجاهد” پر قطر د اسرائیلو صهیونیستي رژیم وروستی برید وغانده او د پېښې قربانیانو ته یې دعا وکړه
د ملي دفاع وزیر همدا راز وویل: «په دې سختو شرایطو کې د افغانستان خلک او مسؤلین د قطر ورور هیواد تر څنګ ولاړ دي.»
شریک یی کړی
