د مالیې وزارت د عایداتي فرصتونو راپور د تایید وړ وبلل شو
2025-08-11
د اقتصادي کمېسیون د تخنیکي کمېټې نوبتي غونډه د روان ۱۴۰۴ لمریز کال د اسد میاشتې په ۲۰مه نېټه په مرمرینه ماڼۍ کې ترسره شوه. د تخنیکي کمېټې دې غونډې ته د مالیې وزارت له لوري د عایداتي فرصتونو راپور وړاندې شو. له هراړخیزې ارزونې وروسته یاد راپور د تایید وړ وبلل شو. د دې راپور له مخې، مالیې وزارت ۱۷ هغه عایداتي منابع په ګوته کړې چې په بیاځلې فعالېدو او سم مدیریت سره یې په کلني ډول د حکومت خزانې ته په لسګونو میلیارده افغانۍ عواید جمع کېدلی شي. دغه راپور د تصمیم نیونې په موخه اقتصادي کمېسیون ته راجع شو.
همداراز دې غونډې ته د ښاري منظورو شویو پلانونو د پلي کېدو او په هغو کې د شته نمرو د ویش په اړه د جوړ شوي طرزالعمل راپور هم وړاندې شو. دغه طرزالعمل د یوې ګډې کمېټې له لوري جوړ شوی، چې تر توشیح وروسته به تطبیق شي.
شریک یی کړی
